組長日式放題 (已結業)

心血來潮想食放題，於是openrice搵下餐廳，就見到組長排名幾前，一於就食呢間。上到去唔使排隊，直接入座。刺身非常新鮮，特別係帶子、三文魚、甜蝦，鮮甜回甘，而且入口無筋。柚子烏冬非常清新，麵條彈牙。雜菜炒得比較油。芝士年糕超好味，流心芝士好正！三文魚茶漬飯，入口比較淡，算係全晚的清淡之選。火炙壽司好好味，飯唔會大大舊，忍唔住吃左兩轉。燒物比想像中好食，唔會燒得太乾身。