鐵板一 (裝修中)

👍🏻BG招牌焗豬扒飯 $68之前食過佢地晚市鋸扒，價錢抵食之餘味道又唔曳，估唔到午市一樣咁抵食😆焗豬即叫即焗，落單後需要等一陣，一上枱熱辣辣勁香豬扒厚切鬆軟，豬肉味濃，本身有醃過，有淡淡香草味，豬扒份量都唔少茄汁調味啱啱好唔會太酸，汁量適中夠撈飯係炒飯底，幾鐘意佢飯粒煙韌，唔係焗到乾哂或者濕立立個啲😙飯面鋪上滿滿芝士，濃味拉絲有焦香Lunch Set包咗沙律、餐包、餐湯、餐飲餐包有驚喜，竟然有蜜糖香，有啲似outback個種黑糖包咁🤪價錢雖然唔及連鎖快餐店焗豬平，但環境坐得舒服好多，適合打工仔放lunch唔想食到咁趕可以坐低傾吓計😎味道：7/10性價比：8/10-👍🏻薄牛扒拼炸帶子跟白飯 $59新推出嘅特惠combo menu，$59可揀一款香煎扒類配一款嘢食，跟飯/意粉/薯菜另外仲包咗餐包、餐湯同餐飲呢個價真係唔差，好抵食，塊牛扒仲要咁大塊😳！雖然冇得揀生熟度，但煎得啱啱好，切開仲係粉嫩，表面幾有焦香添完全冇好乾柴、好老、牛騷味、肉霉、多肥多筋等等呢啲劣質牛扒嘅問題👍🏻餐牌寫住薄牛扒，但比想像中厚，至少唔係早餐成張紙咁薄嗰啲牛扒🤣黑椒汁仲有大大粒黑椒，夠晒濃味真係午市抵食之選，啱哂銅