人和荳品廠 (已搬遷) 新店位置

平時自己一個食午餐，一係好簡單幾十蚊，一係好豐富幾百蚊犒賞自己辛勞工作(er… 其實係為食啫😂)。上次去人和荳品廠係因為約咗人去渣甸中心食日本嘢未夠鐘，於是與同行友人去咗人和食咗啲嘢，由於之後要食正餐所以就住叫，但心裡已經諗住要搵日去再食過。今日經過附近，終於有機會再試。叫咗芽菜炒麵、鹹豆漿、魚肉煎豆腐。芽菜炒麵係我all-time-favorite，調味唔過鹹，襯埋芽菜又唔會漏，原來仲附有鹵水豆腐！鹹豆漿入面好多炸菜、蝦米仲有豆卜，混埋一齊食又脆又鹹口感複雜，魚肉煎豆腐熱辣辣又香豆味。最後好明顯眼寬肚窄食唔哂，但超抵都係$40！😱