影片
更多
2023-03-02
117 瀏覽
呢間趣怪又神秘嘅悉尼樂園相信已經出現過喺大家嘅社交平台好多次🤪 我一路Bookmark咗好耐終於搵到時間去體驗一下呢間咁特別嘅cafe😆🌃 環境 (5/5)悉尼樂園喺銅鑼灣地鐵站F1出口啱住渣甸坊直行，去到馬路盡頭轉右，見到燈龍閣上2樓就到，大約3-5分鐘步程，都幾方便～一入到去感覺入咗時光隧道咁，昏黃嘅燈光，懷舊嘅玩具同擺設，老舊嘅窗框，搞怪嘅壁畫，好似穿越返去七八十年代咁，好特別💫 😋 食物 (4/5)🐮 招牌鹽燒牛舌 $88🦞 龍蝦汁意大利粉配龍蝦尾 $248🍗 麻辣春雞半隻配薯菜 $168🍸 Espresso Night $80🌹 Wild Rose $68鹽燒牛舌係呢度嘅招牌小食，一碟有6大舊，唔好睇佢其貌不揚，其實內有乾坤😚 牛舌好厚身，燒到外脆內軟，咬落好有口感～ 牛舌兩面都沾滿孜然粉，鹹香惹味🔥龍蝦汁意大利粉配龍蝦尾賣相好吸引🦞 大大條龍蝦尾放喺意粉上面🍝 龍蝦汁意粉味道唔錯，龍蝦尾啖啖肉，不過略略嫌有少少硬，如果煮少一陣會好啲🤏🏻另一道主菜就嗌咗麻辣春雞（半隻）🌶️ 春雞表皮紅卜卜，見到都覺得惹味😛 雞皮烤得好香脆，而且雞肉調味唔錯，有麻辣味但唔會太嗆，而且食到好香嘅花
🌃 環境 (5/5)
悉尼樂園喺銅鑼灣地鐵站F1出口啱住渣甸坊直行，去到馬路盡頭轉右，見到燈龍閣上2樓就到，大約3-5分鐘步程，都幾方便～
一入到去感覺入咗時光隧道咁，昏黃嘅燈光，懷舊嘅玩具同擺設，老舊嘅窗框，搞怪嘅壁畫，好似穿越返去七八十年代咁，好特別💫
😋 食物 (4/5)
🐮 招牌鹽燒牛舌 $88
🦞 龍蝦汁意大利粉配龍蝦尾 $248
🍗 麻辣春雞半隻配薯菜 $168
🍸 Espresso Night $80
🌹 Wild Rose $68
鹽燒牛舌係呢度嘅招牌小食，一碟有6大舊，唔好睇佢其貌不揚，其實內有乾坤😚 牛舌好厚身，燒到外脆內軟，咬落好有口感～ 牛舌兩面都沾滿孜然粉，鹹香惹味🔥
龍蝦汁意大利粉配龍蝦尾賣相好吸引🦞 大大條龍蝦尾放喺意粉上面🍝 龍蝦汁意粉味道唔錯，龍蝦尾啖啖肉，不過略略嫌有少少硬，如果煮少一陣會好啲🤏🏻
另一道主菜就嗌咗麻辣春雞（半隻）🌶️ 春雞表皮紅卜卜，見到都覺得惹味😛 雞皮烤得好香脆，而且雞肉調味唔錯，有麻辣味但唔會太嗆，而且食到好香嘅花椒味🥰
悉尼樂園除咗一般咖啡或茶之外都有cocktail同mocktail提供，價錢仲好相宜𠻹🤩 Cocktail嗌咗Espresso Night🍸 呢杯cocktail比起一般嘅Espresso Martini更甜，感覺比較milky，酒精味唔濃，好適合女仔飲💞
Mocktail就試咗Wild Rose🌹 Tea based玫瑰花茶同茉莉花茶味好出，仲要荔枝同檸檬嘅果香，酸酸甜甜，清爽又解膩❤️
💰 價錢 (4.5/5)
Average price $350/pp
悉尼樂園雖然係cafe，但menu上有好多款主食選擇，價錢合理之餘食物份量都好慷慨😋 加上cafe環境充滿港式懷舊風情，好加分，各位可以去開展一個奇妙嘅體驗❣️
張貼
