The Point (已結業)

唔知點解又開始喉嚨痛咳作病，但越㩒就越有慾望，突然好想食薄餅，於是同兩個同事去咗呢間新嘢試。前菜我揀咗青蘋果薯仔沙律，味道清新怡人，非常討好。 3個人梗係share試多啲嘢，主菜要咗Forest Pizza、Carnivore Pizza、Spaghetti Bolognese。Forest Pizza嘅黑松露醬富香氣，薄餅底夠薄又烤得有啲燶，襯埋啲野菌、烤蒜頭、芝士、火箭菜，好正！ Spaghetti Bolognese啲肉唔係搞碎哂而係一嚿嚿有咬口，蕃茄調味適中，味道幾好但可惜意粉唔夠彈過熟。 Carnivore Pizza原來有燒烤醬响面太濕，加上有墨西哥辣椒搞到有啲辣，有一邊餅底又燶得滯，反而唔及Forest Pizza。餐茶要英式紅茶，茶包係布袋，冇紙味釘味，味道甘濃，幾好。每人一百蚊，整體食物質素幾好，可以再去。