四寶食堂 (兆安廣場)

營業中

休息中

前排同朋友去咗銅鑼灣謝斐道嘅四寶食堂食晚餐。我地大約7點15分左右去到，等咗陣先入得座。餐廳以湖水綠為主，中間仲有幅花牆作裝飾，幾吸睛。座位幾寬敞，坐得幾舒適。餐廳選擇多，除咗提供一般常餐同晚餐，仲有西式扒餐同各款小食，一時三刻都諗唔到食咩😆同埋旺區黎講價錢都幾親民👍🔻喜哥蔥油豬扒太陽蛋飯味道：8/10價錢：$65自己覺得係餐廳必食，厚切嘅豬扒大塊多肉，煎得香脆之餘又保持到肉汁。再配合埋香蔥豉油同極邪惡嘅流心太陽蛋，每一啖都食得非常滋味，好食👍另外跟餐仲有杯凍奶茶同忌廉羅宋湯。🔻百里香蒜香欖油烤香雞味道：8/10價錢：$108全隻嘅烤香雞，皮脆而肉質嫩滑，唔會太鞋口，份量仲好多，足夠兩個人食。想濃味啲嘅可以點點由餐廳提供嘅黑椒汁。配菜方面有個香蒜同西蘭花。🔻菠蘿油味道：7/10價錢：$28菠蘿包外層皮夠脆口，包身都有口感，上到枱時牛油仲保持到固體，唔會融咗。