影片
更多
2021-12-16
358 瀏覽
星期日約咗朋友去銅鑼灣行街，好耐無見想搵個靜靜地嘅地方食下野傾下計，見到以$10隻生蠔聞名嘅oyster station在銅鑼灣開左分店，一於就選擇佢chill下！ 餐廳位於黃金廣場，落地玻璃對正Sogo正門的大型廣告電視 (望住Mirror食飯🤣)，環境感覺舒服，枱與枱之間坐得比較闊落。 =是日精選 法國生蠔半打 ($10/隻)=首先頭盤一定要點10蚊隻生蠔優惠，今次生蠔產地位於法國，以10蚊隻來講性價比真心高，size比我預期中大，蠔肉肥美味道鮮甜，口感爽口，海水味重，果然不得不試，正！ Lunch Set Menu 跟餐湯白飯沙律，食客可在自助吧內自取。=石燒牛舌心 200G $118=不得了！不得了！真心高質！超級好食！首選推介！上枱時店員細心提醒石板相當高溫，並提供另一隻碟方便我哋可以放在碟上切好，然後再放上石板。再加上岩鹽同醬汁，牛舌厚身都好易切，入口好爽口彈牙，有豐富牛味又唔酥，無得彈！ =石燒黑豚日本肉眼200G $138=同一時間我哋另一個主菜都係以石板燒上，一上枱我們都相當忙碌，一方面要影相，另一方面石板相當高溫，要盡快切好然後再放上石板去燒，又要留意唔好燒得太耐以
餐廳位於黃金廣場，落地玻璃對正Sogo正門的大型廣告電視 (望住Mirror食飯🤣)，環境感覺舒服，枱與枱之間坐得比較闊落。
=是日精選 法國生蠔半打 ($10/隻)=
首先頭盤一定要點10蚊隻生蠔優惠，今次生蠔產地位於法國，以10蚊隻來講性價比真心高，size比我預期中大，蠔肉肥美味道鮮甜，口感爽口，海水味重，果然不得不試，正！
Lunch Set Menu 跟餐湯白飯沙律，食客可在自助吧內自取。
=石燒牛舌心 200G $118=
不得了！不得了！真心高質！超級好食！首選推介！
上枱時店員細心提醒石板相當高溫，並提供另一隻碟方便我哋可以放在碟上切好，然後再放上石板。再加上岩鹽同醬汁，牛舌厚身都好易切，入口好爽口彈牙，有豐富牛味又唔酥，無得彈！
=石燒黑豚日本肉眼200G $138=
同一時間我哋另一個主菜都係以石板燒上，一上枱我們都相當忙碌，一方面要影相，另一方面石板相當高溫，要盡快切好然後再放上石板去燒，又要留意唔好燒得太耐以致太熟。
200G有兩塊，分量剛剛好。上菜時眼見豚肉扒比較乾身，心想有機會比較難切，比較難咬，食豚肉最怕就是肉質比較實而且難咬。
當用刀一切落去卻發現原來肉質相當鮮嫩，而且整塊扒圍繞周邊都有肥膏，入口口感相當一流而唔會覺得有肥膩感覺。正！
=柚子梳打=
大大杯多冰，啱晒剛剛做完運動嘅我，甜中帶酸，十分解渴
=即磨咖啡=
將意想不到的是餐廳用高雅嘅茶杯盛載，即是令一杯本身平平無奇嘅即磨咖啡變得升價十倍。
一向都覺得銅鑼灣好難搵嘢食，更加好難搵一個地方可以傾到計又食到好東西，今日我遇到了，下次一定會再幫襯！
張貼
