帝樂德國餐廳 (Fashion Walk) (已結業)

帝樂德國餐廳今次要介紹一間喺銅鑼灣有一間德國菜餐廳叫「帝樂德國餐廳」，呢間餐廳門口有一級，不過店員見到輪椅人士就馬上搬一個膠斜板比我用，入到去空間都算幾闊落，裝修風格主要木係為主，Lunch Menu最平$108起，以銅鑼灣嚟講都算幾抵食！1.烤安格斯西冷牛扒（8安士）配炸薯角及時令菜+熱檸茶$148（8/10）呢塊烤安格斯西冷牛扒叫咗五成熟，牛扒肉質有少少韌，仲有配埋好脆身嘅炸薯角同幾種時令蔬菜！飲品揀咗熱檸茶，又苦又酸，唔係好啱我！每一款午市套餐都包埋日餐餐湯或沙律，是日餐湯係南瓜湯，南瓜湯非常濃稠，仲配埋少少甜嘅好軟熟加少少脆嘅麵包條。沙律食落好新鮮清爽，入面落咗芝士，最好食反而係遠望似花生，實質係德國麵包粒，咬落似食緊烘過嘅多士，幾特別！2.香煎紅立魚柳$135+生啤（500ml)$40（9.5/10）呢碟香煎紅立魚柳個紅立魚柳煎得好香，紅立魚柳外皮煎得有少少脆，魚肉唔會過鞋或過老，煎得啱啱好，仲有配埋薯仔同幾種時令蔬菜！飲品揀咗生啤，嚟到德國菜餐廳點可能唔叫啤酒飲呢！每一款午市套餐都包埋日餐餐湯或沙律，是日餐湯係南瓜湯，南瓜湯非常濃稠，仲配埋少少甜嘅好軟熟加少少脆嘅麵包條。沙