巢私厨川菜 (已結業)

其實，我係一個愛刺激嘅辣媽 😆所以朋友約我去食喺銅鑼灣新開呢間巢私廚川菜館，我狂咳都要去食... 當晚川辣菜式好豐富，唔少仲係比較少見獨特嘅，個人推介必食：- 毛血旺：四川版部隊鍋，火喉夠，入晒味- 辣子雞：我形容為既香且辣，雞外脆內軟，食落有汁- 麻辣小龍蝦、冰鎮小龍蝦：問咗係養殖㗎，水源乾淨，多肉有鮮味，唔食辣嘅，冰鎮仲鮮甜- 水煮魚：唔會得個辣字，多魚肉，仲脆口爽嫩㖭- 夫妻肺片：個汁夠辣，有油香，做前菜一流個場好大，環境都好靚㗎，仲可以book VIP 房或卡位，不過嗰日我掛住咳，唔周圍影喇... 有興趣試嘅話記得打去book 枱先，一班人去食勁正㗎。