錫子圓 (已結業)

今日一家出咗sogo行街，當然係附近搵食啦😁，鄉下佬出省😭，梗係問下sogo啲sales有咩好食底食推介，佢哋就推介咗金百利5樓錫子圓👍，話有小菜又有西餐，咁去試下啦一去到餐廳，見到餐牌$198有3個小菜，3個小食連白飯同飲品🧐😲，口多多問下點解咁平，原來佢地小店經營，唔係咩大集團，做咁平，只係求生存😢，明白晒，睇到裝修簡約，店員俾人好輕鬆自在感，有小小返到屋企嘅感覺😂😂香烤海鱸魚👍👍👍，條魚都好大條下，出到嚟熱辣辣，好香，配埋一個神秘辣汁，超好食，必試，追問下原來叫Ivy汁，Ivy係佢事頭婆，原來佢自家制辣汁，唔係啲防腐劑食材，真係好好食🤤🤤招牌鹽焗雞👍👍👍，有半隻，有生菜伴碟，雞唔係死咸，肉質好滑金菇肥牛煲👍👍👍, 酸酸地，好醒胃，正涼伴豆腐👍👍，好滑，微辣炸雞槌，紫薯餅👍👍，一出嚟，好香，又係熱辣辣，誇張啲講，比麥X勞仲好食，因為佢地即炸藍妹啤酒🍺🍺🍻，98蚊半打，好底飲總結香港就係要多啲呢啲小店🙏，先至有感情，佢哋每個店員都非常親切👏，食物質素好好，價錢非常底食，總數連加一先至$331💓💓，所以已經訂咗下星期食西式套餐🙈🙈，回頭必食之選