千代鶴 (已結業)

前排同朋友食生日飯，朋友就點左名要食日本野～上網搵左一輪搵到呢間係銅鑼灣既壽司居酒屋，價錢唔算好貴，但食物質素同氣氛都好好👍🏻帆立貝壽司帆立貝都算幾大塊，好厚身，擺到入口覺得好滿足😍面頭加左少少黑松露醬，味道同帆立貝好夾！赤貝壽司師父有技巧咁切到塊赤貝好靚！咬落夾口彈牙，非常新鮮！松葉蟹壽司蟹肉份量十分之多，肉味鮮甜仲幾多汁😋加左d蟹膏味道好豐富🤩海膽壽司海膽好新鮮！而且份量都夠哂多，海膽味好香濃好creamy😍外面塊紫菜都好脆，好滿足😋室津生蠔生蠔新唔新鮮好易食得出，呢度既生蠔就食得出好新鮮，好肥美，有少少海水味～