燈籠滷味 (登龍街) (已結業)

自由是個好東西（自選配料套餐）叫咗米線少面，配菜方面叫咗雞腎蘿蔔鵪鶉蛋仲有百葉豆腐⭐️唔係講笑佢個蘿蔔係必食，吸晒啲湯汁超入味仲要炆煮到軟硬度啱啱好唔會太軟。百葉豆腐第一次食有少少煙韌口感幾得意。食你滷味套餐，叫左油面加底，本身配菜包括雞腎、滷水大腸、菜、同豬肉。湯底唔鹹，雖然加咗底但係份量真係唔算多。油面吸晒啲湯汁唔會淡味，整體來講配搭得幾好。黑糖珍珠奶茶/ 仙草豆漿紅茶，難得一間唔係重口味飲品，忘記叫少甜都唔會太甜，甜度非常好。黑糖珍珠味道都好濃，豆漿紅茶個茶味就比奶茶嘅重。