為食龍 (已搬遷) 新店位置

由於疫情嘅關係，令唔少上班人士選擇外賣午餐。今日既午餐選擇就係為食龍。之前食過佢西京燒鯖魚飯，味道唔錯，但份量相當多，食左一半都唔夠就飽曬。呢排食少左野一於試下佢地既腐皮壽司。佢哋嘅腐皮壽司唔係十分大件，但係對於我來講，食三件做午餐已經好夠啦。我分別食咗三文魚牛油果、蔥吞拿拖羅蓉同埋柚子左口魚。三款魚生都相當新鮮，而且佢哋嘅味道配搭都非常之夾。總括而言，佢哋嘅價錢雖然唔算平，而且份量唔算大，但係用料新鮮，每日食就唔會啦，但係都會再戰。