碼頭故事 (已結業)

銅鑼灣新開咗“碼頭故事”，啱晒最鐘意打邊爐嘅我。牛油鴛鴦鍋 （$159）- 我哋揀咗豬骨湯同麻辣湯地。我自己都好鐘意食辣，呢個麻辣湯底真係好夠麻辣，仲越食越辣，我食咗十分鐘已經辣到麻咗，一定要嗌返啲嘢飲。響鈴 （$67）- 次次打邊爐都一定會嗌，份量夠多有約八條，浸落麻辣湯底非常正。黑啤（$40）- 食咁辣點都要啤啤佢。安格斯肥牛（$182）- 牛脂分佈適中，肉質超嫩滑，牛味濃郁，好值得嗌。紅薯粉（$44）- 煙韌又粗身，好過食普通嘅公仔麵，但如果份量再多啲就好。日本蟹籽丸 （$67） - 夠彈牙，一咬落去就爆晒啲蟹籽岀嚟，一定要嗌。雞件（$78） - 啲雞都鮮甜嫩滑，但如果大份啲就仲好 🤣