尚鮮日式燒肉漁市場 (已易手) 新餐廳

同友人行行下銅鑼灣，見樓下個婆婆好友善積極問我地係味去3/f ar? 諗唔到食咩就過左黎試下！是日周二，每位$278 加一。門面裝潢得都幾有日本風格！ 呢度係用pad 點菜，方便環保。肉類 多達二十幾款，剩係牛類都有10幾款。呢碟like 左facebook額外送嘅肉，唔係任食嘅。除左有和牛粒之外，就唔知其他係咩，因為女店員只係好細聲向友人介紹左。除左燒肉之外，都有刺身供應。味道合格，不過搞笑位wasabi 無準備定係桌或放埋刺身旁。另外會有一兜兜仔裝住蔬菜、蜆肉去燒。辣酒煮蜆不錯。我地每款牛肉都order 左2片去試，最好味牛頸脊！跟人頭送左個海鮮拼盤。海鮮都幾新鮮，鮑魚生猛到燒住都仲郁緊。兩人附送一個甲羅燒。生蠔扇貝都幾鮮味。呢塊係a4 和牛ar!油花分佈的確唔一樣，牛味都濃最岩加少少玫瑰岩鹽食用。Movenpick 有朱古力、士多啤梨、雲呢拿3款口味。值得一讚係佢地嘅抽風系統做得好好，身上唔會有股燒肉味。