影片
更多
2010-09-08
11 瀏覽
7-9-2010上次喺 The One 吉列店 (http://www.openrice.com/restaurant/commentdetail.htm?commentid=2113100) 等位時見到隔嚟金牌小龍排長長長長長長長龍, 幾好奇, 是日夜晚 2 人嚟到銅記分店竟然大把位 , 又試試.水晶蛋: 蛋黃賣相都幾「水晶」, 夠晒溏心, 食落黏糯帶甜, 係鹵水? 蛋白未算好滑, 但唔會太「實淨」, 整體幾好食的.金牌小籠包: 頂部「摺」得幾靚, 圍邊皮薄但唔易穿, 食落帶點煙煙韌韌, 不錯喎 不過 d 餡就幾唔掂, 湯汁夠熱但無味, 肉餡粗嚡, 食落只覺輕輕的蔥味, 完全無「鮮肉」的感覺, 百分百「金玉其外, 敗絮其中」 「金牌」貨色就係咁? 銅牌就差不多 上海肴肉: 幾乾, 零「啫喱」, 質地 rubbery, 食落硬實味淡, 就連鎮江醋都係唔酸又唔香的, 10 thumbs down 原盅鮮雞湯: 湯底薄身, 味道好清, 唔知點解覺得有點「鴻福堂」(http://www.openrice.com/restaurant/commentdetail.htm?co
上次喺 The One 吉列店 (http://www.openrice.com/restaurant/commentdetail.htm?commentid=2113100) 等位時見到隔嚟金牌小龍排長長長長長長長龍, 幾好奇, 是日夜晚 2 人嚟到銅記分店竟然大把位 , 又試試.
水晶蛋: 蛋黃賣相都幾「水晶」, 夠晒溏心, 食落黏糯帶甜, 係鹵水? 蛋白未算好滑, 但唔會太「實淨」, 整體幾好食的.
金牌小籠包: 頂部「摺」得幾靚, 圍邊皮薄但唔易穿, 食落帶點煙煙韌韌, 不錯喎 不過 d 餡就幾唔掂, 湯汁夠熱但無味, 肉餡粗嚡, 食落只覺輕輕的蔥味, 完全無「鮮肉」的感覺, 百分百「金玉其外, 敗絮其中」 「金牌」貨色就係咁? 銅牌就差不多
上海肴肉: 幾乾, 零「啫喱」, 質地 rubbery, 食落硬實味淡, 就連鎮江醋都係唔酸又唔香的, 10 thumbs down
原盅鮮雞湯: 湯底薄身, 味道好清, 唔知點解覺得有點「鴻福堂」(http://www.openrice.com/restaurant/commentdetail.htm?commentid=2028782) feel...
油蔥拌麵: 以為係滬式「蔥油拌麵」, 嚟到先知原來醬汁係「油」based 聞落幾香蔥味, 不過食落又無味, 真奇怪 幼身麵條就幾好食, 滑溜煙韌, 整體都可以的.
乾拌蝦肉餛飩: 餐牌形容呢個有 "special sauce", 嚟到卻發現碟底只有豉油 -- 豉油有幾 special? 餛飩其實係加了蝦肉的抄手, 皮幾厚, 餡料多但質感實淨, 味道一般鮮, 印象一般而已.
朋友飲凍豆漿, 據聞「無豆味」; 我的熱豆漿就真係好熱 , 飲落滑喉, 甜度唔高, 豆味一般, $14 一杯都幾貴呀吓.
食物一般, 配套反而十分好, 環境乾淨企理, 阿姐們就禮貌至極, 印象還不錯.
連加一埋單每人約 $140, 價錢同鼎泰豐 (http://www.openrice.com/restaurant/commentdetail.htm?commentid=2072874) 差不多, 亦留意到有食評話呢度「有頂太豐的影子」(連個「鼎」字都寫錯...), 但人哋食物嬴 90 萬條街, 即使送了「食 $200 送 $100」coupon 亦無興趣再來呢間「疑似」店了.
張貼
