449
13
8
等級4
127
0
2017-10-11 1997 瀏覽
平時工作咁忙碌,總要揾啲野獎勵吓自己。所以就趁十一長假期攞咗幾日長假同班兄弟過台灣攤抖下,最重要係朝聖周杰倫地表最強演唱會。因為都去成個星期又隔住左女朋友生日所以為咗補償另一半,就唯有帶佢食返餐好嘅塞住佢把口,等佢怨少幾句。為左令自己去聽演唱會都心安理得一啲,就柯打左蝦夷鮑魚鉄板燒。要表示誠意唯有等荷包君出下血,就當係今次台灣之旅嘅既定開支了。但食完之後覺得完全值回票價,又可以氹返女友一舉兩得。前菜有沙律同泡菜兩款,前者清新爽脆後者入口酸甜開胃。兩個都恰到好處地帶起味蕾嘅活動為之後嘅美食揭開序幕。師傅一開始就將前兩道菜嘅鵝肝同鮑魚擺在面前,等我地欣賞下原材料嘅新鮮同俾我地相機先食,隨即就開始正式烹調了。首先係煎鵝肝,鵝肝一接觸鐵板油分就已經溶化出黎,不消十零秒就煎封好一面。師傅全程一滴油都唔需要落,可想而知鵝肝嘅油脂多麼豐富。不消一會嘅時間,鵝肝就已經整好了。我地雖然知道呢道菜卡路里都高,但美食當前唔需要顧咁多。一啖入口,油香回溢。加上鵝肝皮面煎封得焦脆咬開後鵝油更係口腔回竄。師傅特意將墊底多士烤得更乾身脆口,彌補鵝肝入口即溶嘅口感,又等油脂滲左入去後都唔會咁快變腍。無花果同紅酒醋等伴
更多
平時工作咁忙碌,總要揾啲野獎勵吓自己。所以就趁十一長假期攞咗幾日長假同班兄弟過台灣攤抖下,最重要係朝聖周杰倫地表最強演唱會。因為都去成個星期又隔住左女朋友生日所以為咗補償另一半,就唯有帶佢食返餐好嘅塞住佢把口,等佢怨少幾句
15 瀏覽
0 讚好
0 留言
297 瀏覽
0 讚好
0 留言
為左令自己去聽演唱會都心安理得一啲,就柯打左蝦夷鮑魚鉄板燒。要表示誠意唯有等荷包君出下血,就當係今次台灣之旅嘅既定開支了。但食完之後覺得完全值回票價,又可以氹返女友一舉兩得。
11 瀏覽
0 讚好
0 留言
手作前菜
12 瀏覽
0 讚好
0 留言
前菜有沙律同泡菜兩款,前者清新爽脆後者入口酸甜開胃。兩個都恰到好處地帶起味蕾嘅活動為之後嘅美食揭開序幕。
13 瀏覽
0 讚好
0 留言
師傅一開始就將前兩道菜嘅鵝肝同鮑魚擺在面前,等我地欣賞下原材料嘅新鮮同俾我地相機先食
,隨即就開始正式烹調了。
紅酒煎鵝肝
10 瀏覽
0 讚好
0 留言
首先係煎鵝肝,鵝肝一接觸鐵板油分就已經溶化出黎,不消十零秒就煎封好一面。師傅全程一滴油都唔需要落,可想而知鵝肝嘅油脂多麼豐富。
紅酒煎鵝肝
5 瀏覽
0 讚好
0 留言
不消一會嘅時間,鵝肝就已經整好了。我地雖然知道呢道菜卡路里都高,但美食當前唔需要顧咁多。一啖入口,油香回溢。加上鵝肝皮面煎封得焦脆咬開後鵝油更係口腔回竄。師傅特意將墊底多士烤得更乾身脆口,彌補鵝肝入口即溶嘅口感,又等油脂滲左入去後都唔會咁快變腍。無花果同紅酒醋等伴料亦起到中和作用,等鵝肝食完之後油膩感大減。
日本蝦夷鮑魚
9 瀏覽
0 讚好
0 留言
之後就到今晚嘅主角--日本蝦夷鮑魚。每隻尺寸都有成人手掌咁大仲要一人一隻,只見師傅以純熟手法,三兩下功夫就將鮑魚去殼除內臟。單單係欣賞師傅嘅技術同燒烤技巧就已經值回票價了。
日本蝦夷鮑魚
7 瀏覽
0 讚好
0 留言
7 瀏覽
0 讚好
0 留言
鮑魚開邊𠝹網格後再簡單以鹽胡椒調味,再以牛油,醬油及海藻調配醬汁,以提升鮑魚的味道及香氣。實而不華嘅做法除左令鮑魚嘅鮮味得以保留之外,亦令味道層次再豐富一點
日本蝦夷鮑魚
7 瀏覽
2 讚好
0 留言
5 瀏覽
0 讚好
0 留言
師傅控制火候嘅功夫十分了得,鮑魚啱啱好熟所以入口爽實彈牙。沾上醬汁食更覺鮑魚肉質嘅鮮香甘甜,中間嘅醬油咸味令味道上增添了一絲惹味嘅黃豆香氣。
熊本縣產A5和王牛
8 瀏覽
0 讚好
0 留言
食完鮑魚就到另一主角--熊本A5和王牛。A5和牛大家都知係和牛入面最高級嘅品種,而聽師傅講,和王牛即係A5和牛入面最TOP嘅5%先有嘅當地畜產部認證,來頭真係唔惹小
。其實單單睇塊牛肉嘅雪花同光澤,就已經知佢絕非簡單。同樣地師傅只係將塊牛肉放上鐵板,佢嘅油脂及香味已經撲鼻而來。
熊本縣產A5和王牛
8 瀏覽
0 讚好
0 留言
師傅主動為我地煎到三成熟,話咁樣先係最佳品嚐和王牛嘅熟成度。因為牛肉嘅油脂豐富而且肉質細嫩,三成熟就可以完美體驗入口即化的感覺。
熊本縣產A5和王牛
5 瀏覽
0 讚好
0 留言
單單係擺盤都令人賞心悅目。配菜有露荀蕃茄以及香脆蒜片。
熊本縣產A5和王牛
4 瀏覽
0 讚好
0 留言
先黎一口原味,不加任何調料嘅和牛。入口即化,香及嫰滑,已不足夠形容佢嘅美味。油脂及肉香絕對係無可挑剔嘅味道
4 瀏覽
0 讚好
0 留言
之後沾上一點山葵,因為呢度嘅山葵絕對唔嗆鼻,辣味偏温和反而係甘甜味更突出。一方面可以中和牛脂嘅油感,另一方面更帶出和牛嘅肉香。
2 瀏覽
0 讚好
0 留言
邊邊位嘅牛肉有五成熟,最啱配蒜片同食。因為肉味更出同有咬口與香脆蒜片十分對味。
3 瀏覽
0 讚好
0 留言
其他配菜尤其係呢片蘑菇,因為師傅正正係以和牛嘅油脂黎翻炒。所以吸收晒牛油嘅香味,食落滋味無窮。
4 瀏覽
0 讚好
0 留言
食完啖啖肉和王牛之後,當然唔好俾佢停。只見師傅手起剷落就將啱啱和王牛扒修剪出黎嘅脂肪翻炒出油分,再加入洋蔥胡蘿蔔粒等材料,準備下一道嘅和牛炒飯。
黑毛和牛炒飯
3 瀏覽
0 讚好
0 留言
驚喜當然唔只和牛嘅油脂,師傅仲倒入一大碗嘅和牛粒入去,令整個份量即時提升到重量級。再加入蛋漿快炒令每粒飯都俾雞蛋包裹,金包銀嘅炒飯迅即完成。
黑毛和牛炒飯
4 瀏覽
0 讚好
0 留言
黑毛和牛炒飯
3 瀏覽
0 讚好
0 留言
臨尾撒上蔥花作結,色香味具全。和牛炒飯每粒都充滿牛脂嘅香味,入口味道非常紮實惹味,並不是一般牛肉炒飯可以相提並論的。
清酒煮蜆
3 瀏覽
0 讚好
0 留言
食完炒飯其實都已經好滿足了,但師傅仲唔肯放過我地,最後再以清酒煮蜆為今餐作結。先以錫箔紙做一個碗並加入清酒煮沸,點火讓酒精揮發,目的係想粹取清酒嘅甘甜。
4 瀏覽
0 讚好
0 留言
待酒精揮發得差不多就放入大蜆,並再次加酒及高湯。一來可以搶鮮去腥二來可以調節温度當清酒高湯再沸騰,大蜆就剛好開殼。
清酒煮蜆
3 瀏覽
0 讚好
0 留言
因為師傅係大蜆一離殼就夾起裝盤,所以粒粒都保持新鮮飽滿。配上清酒高湯,味道甘鮮豐腴所以成碗都俾我倆飲得一乾二淨。
甜品
4 瀏覽
0 讚好
0 留言
3 瀏覽
0 讚好
0 留言

最後的最後,以兩款清爽輕盈嘅甜品為今餐作劃上完美句號。無花果啫喱味道偏酸甜解膩,所以交左另一半。而金薯布丁入口香滑充滿濃郁薯味,而温和嘅甘醇味道正好可以降低過於飽滿嘅感覺。

食過呢餐睇黎演唱會之旅都可以玩得安心,另一半又唔會詐型。所以話食鉄板燒使咩山長水遠飛過日本食?只要識揀,黎呢度一樣可以食到技術同味道都可以媲美日本當地嘅美食,加上侍應小姐嘅服務態度又似足日本人。成個環境氛圍都同係日本食無異,仲可以慳返張帶另一米去日本嘅機票呢~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2017-09-26
用餐途徑
堂食
人均消費
$1300 (晚餐)
推介美食
手作前菜
紅酒煎鵝肝
紅酒煎鵝肝
日本蝦夷鮑魚
日本蝦夷鮑魚
日本蝦夷鮑魚
熊本縣產A5和王牛
熊本縣產A5和王牛
熊本縣產A5和王牛
熊本縣產A5和王牛
黑毛和牛炒飯
黑毛和牛炒飯
清酒煮蜆
清酒煮蜆
甜品