水門雞飯 (豉油街)

營業中

休息中

水門雞飯一直都係我嘅口袋名單，今日經過見到冇人排隊，諗都唔諗衝入去食，店內嘅環境感覺都有啲似泰國feel。水門雞飯 $54嚟到呢度一定係食個招牌飯 - 水門雞飯啦，水門雞飯會先來一碗胡椒蘿蔔湯，胡椒味都幾重，所以飲落都會有少少辣。主角水門雞飯(加$10可轉雞髀/雞雜)雞就切好晒一條條長長嘅，全部雞肉都係無骨嘅，啱我，雞肉食落都算嫩滑配埋個汁甜甜辣辣一流。鳳尾蝦金邊粉 $75金邊粉幾好味，帶少少辣，我幾鍾意。鳳尾蝦有四隻，四隻都夠爽口，好味呀😋芒果冰 $26大熱天時配返杯芒果冰，簡直perfect ，好好飲啊，下次再嚟都會叫。鮮檸梳打 $22呢杯都OK嘅，但兩杯選擇嘅話我下次都會叫返芒果冰。整體來講食物都唔錯呀，係環境坐得迫少少咁囉，下次都會再嚟，都想試吓個豬雜。