聘珍樓 (已結業)

今年打破傳統，團拜唔食buffet，改食中菜。一來我o地人多關係，二來每碟份量唔大，我o地可以試了好多款。燒味併盤-叉燒、燒肉及海蜇，叉燒好蜜味，肉質鬆化、燒肉皮勁脆，肉又嫩，肥膏不太多。大家都唔夠喉，再追加多一碟。銀雪魚球煲、鮑魚一品煲、枝竹炆班南煲、梅菜排骨煲，一口氣叫了四個款煲仔，不負眾望，非常入味，食完亦不會口渴。越鄉燒雞、南乳吊燒雞，其實兩款雞都是差不多，只是醬汁有所出入，皮脆、肉算是有雞味。中式煎牛柳-由於洋蔥墊底，吸收晒汁的精華，洋蔥非常之好味，可借牛柳一點都唔好食，口感有d點似漢堡扒，肉質好鬆散。銀魚醬肉崧四季豆-又是一碟野味菜，用來送飯一流。咕嚕肉-雖然我沒有抱期望，但真是全晚最失敗之作。其實甜酸汁是調教適中，可惜炸得不脆、肉又腍腍的。薑汁炒芥蘭-這碟是第二差，雖然芥蘭好嫩，可能煮得好腍，而味道較甜，沒有薑汁味。楊州炒飯、咸魚雞粒炒飯，兩款都炒得非常之好，唔油、唔會好濕漉，而飯粒是爽口的。加埋一枝house wine，埋單每人唔駛200，最後還送了一鍋楊枝甘露。今次又是我提議，幸好屋企人個個贊食物水準、環境及服務唔錯，金豬年第一餐晚飯，總算放下心頭大石。