金記冰室 (霎東街) (已結業)

金記的味道金記響時代廣場附近開咗間新分店，我呢啲金記迷當然要泥朝聖啦！開咗係一個咁方便嘅位置實在太有利我啦！是日仲喺度試業我已經入嚟食過晚飯啊！唔記得左邊一個朋友同我講話呢幾日試業期間都好多人排隊，我就問下有冇好似西環金記早上嗰個菠蘿油咁多人排先？朋友話有過之而無不及。好彩唔打唔撞嘅情況之下晚是大約八點鐘唔算多人，坐咗响比較後嘅地方，環境都幾舒適！裝修就比較色彩繽紛，但係我自己就鍾意灣仔分店同埋西環分店啊！果種古色古香嘅感覺，好多時都複製唔到！是一叫咗晚餐，呢就有小菜食，我屋企樓下嘅西環分店呢就冇小菜，所以一於就叫蓮藕煎肉餅晚餐！你都有一客三件，大概掌心咁大嘅煎蓮藕餅！份量剛好，煎得好香，唔會太油，肉餅十分之實淨唔會散開！蓮藕同肉餅分布均勻！有水準！跟餐配湯揀咗中湯，湯都幾好飲架而且湯料都好足！配返個指定飲品凍檸賓，價格合理銅鑼灣算抵食啦！同友人在分享埋個冇得輸嘅西多士！點解我會話冇得輸呢，因為呢一度嘅西多士中間嘅餡係用上粗粒花生醬架！所以食落特別有口感！而且即叫即做唔會油淋淋啊！金記嘅分店已經越看越多，個人應為佢好快會成為一個icon ~ 唔知遲啲會唔會港九新界都有呢？