有間港式茶餐廳 入去食下港式嘢
餐廳裝修特別 牆身好多霓虹燈牌
昔日懷舊冰室嘅裝飾 五光十色啊
真係啱晒 中意打卡同影相嘅我唷
呢度嘅菜式飲品 好有香港嘅特式
懷舊鐵板餐常餐特餐 同下午茶餐
整體食物嘅種類多性價比高 正啊
啲員工有禮 成個感覺好有人情味
重點係全日免收加一 真係好抵食
-
是日精選晚餐
-
牛油餐包及餐湯
有羅宋湯或者忌廉湯揀 好足料
暖粒粒嘅牛油餐包 食落好軟熟
-
蟹子雜果沙律
新鮮嘅菠蘿同桃 仲有好多蟹子 口感好豐富
-
金翠巨人什扒餐 ($188)
賣相好吸睛 層層疊好似個漢堡包咁好可愛
豬扒同雞扒真係好大塊 但牛仔骨相對少肉
司華力腸同煙肉正常發揮 而煎蛋真心好食
可以俾你揀燒汁定蒜汁 同鐵板上定係碟上
-
晚市飯餐
-
芝士焗加拿大龍蝦海鮮飯 ($148)
賣相勁爆邪惡 啲芝士可以拉到絲呀
龍蝦好大隻 入面勁多蝦膏同埋蝦肉
食落肉質結實好鮮甜 口感爽口彈牙
仲有蝦鉗幫你預先開咗少少 好細心
配料都多 有獅子狗椰菜同紅蘿蔔添
個飯軟硬度適中 呢個焗飯性價比高
