影片
更多
2008-11-16
29 瀏覽
星期四晚先生到尖沙咀接我放工，先生嚟接我之前於Openrice揾食Dinner嘅地方，佢話查咗尖沙咀一帶，見間八王子呢輪D評價唔差，不如去試吓佢哋。我哋行完街街去到都成9:00，諗住實有位啦。點知去到都要等十幾分鐘，不過佢哋最終都安排咗個幾舒服嘅卡位比我哋！先生話做咗功課知道要叫D乜，以下全部由佢發版：*梅酒及Asahi生啤一杯*酒盜芝士：好掂！兩者分開就唔喺咁特別，一旦放在一起即有意想不到的效果！鹹鹹地＋Creamy真係配搭一絕！不過唔係咁多人喜歡，先生就話好怕D腥味。*魷魚鹽辛：雖然我都覺得OK，但係賣相無乜特別，而且比酒盜芝士比下去…*雜錦漬物：我當佢係餐前開胃菜，呢碟拼盤裏面我特別鍾意椎山漬、蒜頭漬同蘿蔔漬。特別係嗰個粉紅色的蘿蔔漬，既爽口又清甜！*池魚刺身：先生話睇見之前有人讚呢味刺身，即本叫嚟試吓，可能嗰晚Full House啦。等咗都幾耐至到！呢D白身魚望落好似好腥，點知食落好鮮甜而魚肉本身亦都好彈牙！食完仲可以叫佢炸係魚尾，又多味送酒佳品！不過再要講多次，呢味嘢等咗好耐！*油甘魚刺身 + 海膽刺身：個海膽刺身係佢哋推介嘅，佢哋話每個星期都會有D平價推介，海膽是一小板的，
先生話做咗功課知道要叫D乜，以下全部由佢發版：
*梅酒及Asahi生啤一杯
*酒盜芝士：好掂！兩者分開就唔喺咁特別，一旦放在一起即有意想不到的效果！鹹鹹地＋Creamy真係配搭一絕！不過唔係咁多人喜歡，先生就話好怕D腥味。
*魷魚鹽辛：雖然我都覺得OK，但係賣相無乜特別，而且比酒盜芝士比下去…
*雜錦漬物：我當佢係餐前開胃菜，呢碟拼盤裏面我特別鍾意椎山漬、蒜頭漬同蘿蔔漬。特別係嗰個粉紅色的蘿蔔漬，既爽口又清甜！
*池魚刺身：先生話睇見之前有人讚呢味刺身，即本叫嚟試吓，可能嗰晚Full House啦。等咗都幾耐至到！呢D白身魚望落好似好腥，點知食落好鮮甜而魚肉本身亦都好彈牙！食完仲可以叫佢炸係魚尾，又多味送酒佳品！不過再要講多次，呢味嘢等咗好耐！
*油甘魚刺身 + 海膽刺身：個海膽刺身係佢哋推介嘅，佢哋話每個星期都會有D平價推介，海膽是一小板的，比想像中細板所以有D失望。不過個海膽都跟足紫菜，而海膽本身質素都唔錯，新鮮無異味！油甘魚都好鮮甜，如果再厚D仲正！講真，油甘魚絕對係我嘅魚生排行榜嘅No.1！
*霜燒牛肉：先生又係睇食評而叫嘅，一如餐牌的相一樣，賣相絕對ichiban！食時一定要用牛肉捲住D洋葱同蘿蔔蓉，加上個酸酸地嘅汁真係好食得緊要！不過D牛肉如果厚番D就仲好！
*汁煮立魚頭：又係店員講嘅是晚推介，上碟見個頭好似好大，本來味道煮得OK，不過就骨多肉少，扣分！下次食番油甘魚頭穩陣D！
總括嚟講食物質素都算非常唔錯，不過D食物嚟得好慢，食魚生壽司一定要有耐性至得，而且侍應人手好似好唔夠咁，見佢哋跑嚟跑去慌失失咁。
嗰晚有D小插曲，我哋食食吓見到Stephy鄧麗欣同Kary、Parco一班人入嚟後直接落咗下面，好老土八卦問吓店員(其實老土都唔止我哋呢枱)，原來佢哋落去下面嗰層D廂房食嘢！下次一大班人可以Book下面D房。先生走嗰時猛話Stephy真人好靚，成個少男Fans咁！
張貼
