金二少冰室

營業中

休息中

個friend知我鐘意食開心果既野 知道「金二少冰室」最近出咗個 開心果系列就帶左我黎食呢間冰室 裝修懷舊得嚟又幾feel#懷舊豬扒煎蛋菠蘿包 呢個真係經典中嘅經典菠蘿包外皮脆卜卜 內裡夾住一塊厚實嘅豬扒同煎蛋豬扒煎得香嫩多汁 煎蛋仲要係流心嘅菠蘿包嘅甜味同豬扒嘅鹹香互相平衡 食落去好滿足! #阿華田開心果 將經典阿華田同開心果mix埋一齊飲落去有淡淡既麥芽味 仲有陣陣開心果香甜度啱啱好 飲完好refresh#開心果奶茶紅豆冰 奶茶滑溜 紅豆香甜 加埋開心果嘅獨特風味 層次豐富!#開心果西多士 🍞西多士炸到金黃酥脆 內裡鬆軟 中間夾住開心果醬 上面仲灑咗啲開心果碎 口感超正!切開之後 開心果醬嘅濃郁味道同牛油嘅香滑完美融合甜而不膩 每一啖都係幸福嘅感覺甜品控一定唔可以錯過!