維苑餐廳

因為有100蚊現金卷..所以琴日去左呢間食=]
一齊去的3個人都系第一次黎呢間食..
雖然一向都知道維苑的服務吾好..不過知道佢呢間系新開..
諗住可以一試,,點知,,服務一樣咁差-.-

由於我地要用現金卷..所以一定要訂台..
聽我電話果個男仔一路同我講一路找緊錢比其他人..
令到我要重覆我講過的野好多次..佢先聽得到..
真系有咁忙嘛?!

我地9點鍾去到..3個人佢比左卡位我地..
坐位吾錯=]椅背較高..算有私人空間..
因為出面都幾嘈下..好多一家大細傾計都幾大聲..
坐低之後有個WAITRESS拎3杯水過黎比我地..
系放低最後一杯果陣佢倒寫左..我見佢即系行開左,,
我以為佢系去拎野黎清潔..點知吾系..
佢當冇事發生過咁,,照樣舖台..
雖然果度D水吾算太多..
但都足以令我舖台果張野同埋上面TISSUE濕曬..

之後我地叫野食..我地叫左..
鮮茄焗豬扒飯..
芝士焗蝦球雞扒飯..
銀雪魚扒配蒜茸雞扒..薯菜
2個忌廉湯..1個羅宋湯(跟餐)
凍朱古力..熬朱古力..凍好立克(跟餐)

兩個忌廉湯都冇咩問題..幾好味=]
系D料少左一D..只系得粟米..菇都冇粒..
至於個羅宋湯..就麻麻..個顏色吾太好..啡啡地
聞到好大陣美極鮮醬油的味..飲落好鹹

牛油餐包個味好得意..好似漢堡包果陣味=]
不過中間冇分開個位搽牛油有D吾系咁方便

上主菜的時候令到我真系吾太高興..
主菜黎的時候..我未飲完碗湯..
佢拎到黎的時候冇我面前冇位放..
果個金色頭髮的WAITER問我地份野系邊個GE..
我話完系我之後冇即刻有反應拎起我隻碗..
佢就好似我殺左佢全家咁..即刻碌大隻眼望住我..
搞到我要拎起隻碗捧住黎飲-.-有冇搞錯!!

鮮茄焗豬扒飯..冇咩特別..比大快活好一點..
不過有一度吾太好..個飯落左唐芹..個味吾太夾

芝士焗蝦球雞扒飯..幾好食=]
芝士好多..啖啖都拉得起絲..中2食芝士就一定會中2
雞扒都好滑..不過有大大塊雞皮系度

銀雪魚扒配蒜茸雞扒..薯菜..塊魚扒有骨..
仲以為已經去曬骨..不過個汁好好味=]
D配菜就麻麻啦..白烚..仲要好大陣菜青味..

最後野飲都幾好..凍飲D杯幾令..
不過好似細杯左D..兩啖就冇..
熱飲就吾太夠味嚕=]

去到最後的時候黎左一張10人台..可能已經遲同埋阻住佢地放工啦..
系我地前面有兩個WAITER講曬粗口咁,,好似吾想做野咁..
亦都有個WAITRESS吾小心趺左野,,比經理怒罵..

野食的味道系吾錯的..不過服務就真系十分麻麻..
我認為就算有不滿都吾應該系客人面前發脾氣吧..
令我對呢間餐廳大打折扣喔

隻碗冇咁隻耳-.-同埋D碗疊起曬都冇人收

好好味=]熱辣辣