影片
更多
2007-12-31
1 瀏覽
之前睇過對呢間餐廳o既食評見到劣評好潮心諗唔一定係咁誇張掛?於是搵埋班fd一齊去試食順便聚吓舊30/12 朝早11點左右先打電話去訂枱訂左同一日7點到左中午4點半左右餐廳o個邊就打返黎confirrn返時間同人數把聲聽起黎都好好禮貌感覺唔錯到左6點8左右我地人齊晒所以早左入去(好在有位!)因為我們都有7個人所以埋位o個陣要等佢d員工"啪埋d枱""啪枱"期間應該係我地人多阻到佢地(佢地兩位員工一齊啪)我見到佢地兩位塊面都...話到俾我知佢地好唔滿意=.=不過都係個別員工係咁姐我地埋位坐低冇幾耐就有位waiter(帶眼鏡嫁!)走埋黎問我地訂枱d野嘩!勁有禮貌!好nice!好想同佢吹水吹多兩句!可惜佢走得好快..另外衛生情況幾好(最少我見唔到枱上面有咩污糟野)到叫野食o個陣因為我地第一次去食所以請左位waitress黎推介d野俾我地食佢推介左兩樣第一個係刺身拼盤個拼盤睇落都好多野食不過冇龍蝦如果係想食龍蝦刺身就要加30蚊由於我地成班人之中有幾個都唔想食刺身所以冇試到另一個係4人套餐3xx咋!又勁多野食所以我地叫左兩個4人套餐野食賣相唔錯奈何朋友們動作太快影唔切相=.=當中值得一提o既有天婦羅
見到劣評好潮心諗唔一定係咁誇張掛?
於是搵埋班fd一齊去試食順便聚吓舊
30/12 朝早11點左右先打電話去訂枱
訂左同一日7點到左中午4點半左右
餐廳o個邊就打返黎confirrn返時間同人數
把聲聽起黎都好好禮貌感覺唔錯
到左6點8左右我地人齊晒所以早左入去(好在有位!)
因為我們都有7個人
所以埋位o個陣要等佢d員工"啪埋d枱"
"啪枱"期間
應該係我地人多阻到佢地(佢地兩位員工一齊啪)
我見到佢地兩位塊面都...話到俾我知佢地好唔滿意=.=
不過都係個別員工係咁姐
我地埋位坐低冇幾耐
就有位waiter(帶眼鏡嫁!)走埋黎問我地訂枱d野
嘩!勁有禮貌!好nice!好想同佢吹水吹多兩句!
可惜佢走得好快..
另外衛生情況幾好(最少我見唔到枱上面有咩污糟野)
到叫野食o個陣
因為我地第一次去食
所以請左位waitress黎推介d野俾我地食
佢推介左兩樣
第一個係刺身拼盤
個拼盤睇落都好多野食
不過冇龍蝦如果係想食龍蝦刺身就要加30蚊
由於我地成班人之中有幾個都唔想食刺身
所以冇試到
另一個係4人套餐3xx咋!
又勁多野食所以我地叫左兩個4人套餐
野食賣相唔錯
奈何朋友們動作太快影唔切相=.=
當中值得一提o既有天婦羅
對比其他鋪頭佢地可以話係整得幾好味!
少粉又唔算太油推介!
仲有個清酒煮蜆
我地7個人之中有5個話唔好食..
但係個人認為幾好d蜆好入味
可惜我食o個陣得返一兩隻..
因為有一位朋友好鐘意食..俾佢食晒..=.=
同埋有好長好長好長好長好長o既魚生壽司
d飯夾大力少少就散左..唔知係好定唔好呢=.=?
不過舊魚生好厚!
唔會似張紙咁簿...(個人認為厚少少先有口感)
新鮮程度尚可
另外我地叫左南瓜球
我同我班fd都覺得食落似炸蕃薯多d..
不過甜甜地都幾好味!值得一試!
再黎就係蟹籽卷同三文魚卷
(個名我唔記得左總之係咁上下)
三文魚同大型超級市場惠噹賣o既差唔多
不過蟹籽好新鮮食落好有咬感
仲有好多野食..可惜俾朋友食晒..
所以非常抱歉其他野食俾唔到意見
最後堆單之前
有個甜品雪米茲俾我地食
可能雪得太耐硬左小小
8點左右離開見到成班人等位...
想夜d先去食o既朋友請早d訂枱
不過佢地最多等10mins...
另外要提一提呢間餐廳果然好熱!
我一黎就出到成身汗之後仲要邊流汗邊食= =
另外環境都唔算太嘈最嘈應該係我地..
我見到隔離枱o個位男仕成日啤住我地=.=
但係我同朋友出黎唔係諗住心靈聚餐..
搔擾到旁邊o既顧客..非常抱歉..
不過總括黎講呢間餐廳值o既野食得去試一試!百零蚊成到我地個個飽晒果然好抵食!
張貼