泰皇 (已結業)

今日 lunch去咗泰王度食。呢間嘢食咗好多次， 所以都幾清楚佢哋嘅味道。佢哋喺荃灣應該開咗好耐，所以裝修都已經非常之舊。但如果你哋唔介意食肆既裝修環境，佢嘅性價比係非常之高嘅。午市套餐嚟嚟去去都係嗰十款八款 。今次我哋叫咗泰式海南雞飯同埋泰式茄子肉碎飯。佢哋嘅海南雞係好滑，薑飯都有薑味。另外個泰式茄子肉碎飯炒得好惹味。但係用咗啲非常之辣嘅辣椒，要我哋撥開佢。但係食得辣嘅朋友會非常之鍾意。四十幾蚊一個套餐有湯有熱飲，仲有舊椰汁糕 係非常之抵食。鍾意食泰國嘢嘅朋友不妨嚟試下！