今日🐷🐖🐗🐷🐷連同朋友一行5人嚟到呢間告急黃店幫襯幫襯。餐廳雖然細細間，但完全做到一間茶餐廳應有嘅水準😛😛😛。好味得嚟所有野都大大份，非常足料👍🏼👍🏼👍🏼😘。試問呢啲咁抵食既茶記點可以比佢告急嫁？
————————————————————— .
舔舔脷指數 :🐽🐽🐽🐽🐽🐽🐽🐽8/10
抵食指數:🐽🐽🐽🐽🐽🐽🐽🐽🐽9/10 ————————————————————— .
照燒鰻魚拼炸蟹餅飯($50)
鰻魚好大條，食落軟淋冇乜骨幾好食。另外有塊煙肉，但就唔見蟹餅，唔知係冇曬蟹餅轉咗煙肉定佢純粹唔記得比蟹餅，不過食完先記得就算，但見其他人都好似冇蟹餅。其實條鰻魚都夠送飯食，如果多啲鰻魚汁會更加好。
蔥油炸雞髀煎蛋飯($48)
超好食❤️。炸雞髀🍗好好味，脆卜卜，雞肉🐓好嫩滑。蔥油味好香😋，好好送飯。不過就好大份，食唔晒。
吉列流心西多士（$37）
呢個西多有芝士夾心，其實就冇流心效果。呢個西多外層係幾脆，但十分之油，成個西多浸油咁，好油膩，一個人食咗1/4已經食唔落。唔推介。
鰻魚炒蛋西多士（$38）
必食推介😍！本身個厚多士望落好白以為佢冇烘底但食落原來有。鰻魚都有一隻手掌✋🏼咁長，炒蛋都有好多。三樣野加埋一齊簡直係Perfect match。一啖咬落去啲蛋bit曬出嚟，好好食😋。
