阿詩瑪雲南風味軒 (已搬遷) 新店位置

聽聞此店各種菌類有特色，轉轉口味無妨；碰巧星期五尚算閒日晚市早段毋須等位，即時和太太飛身入座。侍應服務不錯，有問有答，小弟一向鍾情去「滾」，提到野菌火鍋可以一試，即刻「柯打」。 湯底已有各種菌類，相當不錯，連雞件(看似新鮮雞脾肉)一起煲，和太太先飲兩碗湯打底，味道很好，另選了雪花肥牛、白菜餃子、X菇肉丸(忘記名字)、魚肉、蔬菜等，均覺新鮮，水準不錯，份量尚可...可惜越食越心煩，不知是否保持風味，看似特製的電磁爐，竟非用鋼鐵煲，而配上大「瓦煲」，但又可能驚用瓦煲湯唔滾？加塊類似鐵塊在煲內搭夠，唯估計煲底被鐵塊壓住，疏氣不妥，開猛少少火，D湯就被煲內谷出的氣泡帶動不停飛彈幾尺遠(絕無跨張)，和太太左閃右避，侍應亦似乎習慣，即時提示不要大火(最高10度定8度，但我開4度咋)，兼用紙巾在煲外各處鋪開阻擋飛汁，我轉頭想灼肉類，安全計加大火力，又忘了飛上天的湯汁即時湧出...野菌天鍋變惹火飛汁，無癮之極，係人食火鍋都想滾下滾下，就住就住不如唔食，侍應又好像無能為力，臨尾送兩個湯丸甜品補數。最騎呢是臨走行出門口仲見到大大隻字介紹野菌天鍋，若果多幾一齊食咪好似火山噴泉咁壯觀？