影片
更多
2016-11-02
723 瀏覽
在朋友推介下，今日帶埋家人去試呢家係大坑既韓式蒸海鮮㙮。店內環境都唔錯，座位算寬敞而且控油煙做得幾好。店員非常有禮，會好耐心解答我地既問題而且好有效率。上主菜前，店員亦推介左我地試幾種韓式特式飲品，包括濟洲橙汁、桃味氣酒同芒果味啤酒。濟洲橙汁唔會太甜，而且飲落同鮮橙汁分別不大。桃味氣酒甜絲絲的，幾易入口，而且酒精濃度大概之不過係３%左右。芒果啤酒感覺好夏日，消暑佳品必備，酒精濃度都係3%左右。店員送上首爾塔既時候我地都嚇親了，每層都有不同海鮮既首爾㙮直頭高到見唔到對面既人。係店員既解釋下，我地知道要逐層逐層海鮮食落去，每食一層就有沙溜斗計時，免得海鮮overcooked,如果食唔切既話可以先將海鮮放進保溫壺內，非常貼心。第一層係蟶子及象拔蚌，兩者都肉質鮮甜，口感彈牙，加少少鹽更能吊出鮮味，建議連海鮮既汁一齊飲埋，好鮮甜。第二層係大元貝，建議用食海鮮既專用叉起元貝既肉，甘既話一絲一毫既元貝都唔會放過。元貝連汁食好甜，一d都唔un,份量仲好大隻厚肉。第三層係新鮮海蝦，各位用手搣蝦殼記住小心熱呀。鮮蝦肉好爽口又啖啖肉，沾埋鼓油或韓國豆瓣醬可令口感層次更豐富。第四層係北寄貝同沙巴龍蠆，北寄貝好
上主菜前，店員亦推介左我地試幾種韓式特式飲品，包括濟洲橙汁、桃味氣酒同芒果味啤酒。濟洲橙汁唔會太甜，而且飲落同鮮橙汁分別不大。桃味氣酒甜絲絲的，幾易入口，而且酒精濃度大概之不過係３%左右。芒果啤酒感覺好夏日，消暑佳品必備，酒精濃度都係3%左右。
店員送上首爾塔既時候我地都嚇親了，每層都有不同海鮮既首爾㙮直頭高到見唔到對面既人。係店員既解釋下，我地知道要逐層逐層海鮮食落去，每食一層就有沙溜斗計時，免得海鮮overcooked,如果食唔切既話可以先將海鮮放進保溫壺內，非常貼心。
第一層係蟶子及象拔蚌，兩者都肉質鮮甜，口感彈牙，加少少鹽更能吊出鮮味，建議連海鮮既汁一齊飲埋，好鮮甜。
第二層係大元貝，建議用食海鮮既專用叉起元貝既肉，甘既話一絲一毫既元貝都唔會放過。元貝連汁食好甜，一d都唔un,份量仲好大隻厚肉。
第三層係新鮮海蝦，各位用手搣蝦殼記住小心熱呀。鮮蝦肉好爽口又啖啖肉，沾埋鼓油或韓國豆瓣醬可令口感層次更豐富。
第四層係北寄貝同沙巴龍蠆，北寄貝好彈牙而且非常入味，我覺得都唔洗特別加調味。沙巴龍蠆真係啖啖都係肉，而且魚既鮮味同肉汁仲封鎖係肉入面。另外神有黑木耳同車厘茄。
第五層係時令花蟹，店員同我地講店家會根據當日蟹既新鮮程度而挑選唔同種類既蟹。我地今次既花蟹都唔錯，雖然冇肉蟹甘多肉，但勝在夠鮮甜。
之後果層就係鮑魚、蝴蝶蚌、日本蕃薯以及白蘿蔔，鮑魚既計算時間需要好準確，如果唔係蒸老左就浪費甘新鮮既食材，好在我呢個鮑魚迷有好好控制時間，食落煙un彈牙，仲好juicy添。蝴蝶蚌食落口感似北寄貝，但入口更淋，而且都好新鮮。日本蕃薯超甜，入口即溶。
好啦，去到呢層有花螺、日本南瓜同粟米。花螺好鮮味，沾上豆瓣醬係絕配。南瓜好淋好清甜，加埋粟米可以清一清味蕾。
去到最後呢層啦，我地叫左人參雞做粥底，店員會親身幫我地將雞起肉，雞肉入面再釀左糯米同人參好足料。粥底吸收哂每層不同海鮮既精華，絕對係戲肉之一。基本上每一檯都食唔哂最後既粥底，佢地都會準備定兩個外賣湯碗比客人帶走。
張貼
