嘆甜品

上星期帶埋仔仔返門探嫲嫲，重遊嫲嫲舊屋附近，自然要帶佢嚟井財街呢間舖「嘆」甜品啦~

今次期間限定係粟米濃湯拉絲麻糬窩夫，外酥內軟，拉絲麻糬加埋豆腐味雪糕，清新又驚喜！呢度嘅椰皇系列勝在多花款，必點椰皇楊枝甘露，芒果、西柚加埋燉蛋白，酸酸甜甜令人食慾大增。

試埋新嘢芒趣奇想，將新鮮芒果、寒天和馬蹄珍珠融合，層次感滿滿。鹽酥雞粒外脆內嫩，帶少少鹹香，中和返甜膩感。

蘋果柚子鮮茶、日式玉露，兩杯都好清爽提神！
自從搬去藍地後，已經好耐無嚟食甜品了。唔知下次幾時再嚟呢？