合桃緣 (已結業)

自從許x山無哂分店，加上林林總總嘅甜品店漸漸崛起，已經好耐冇食過芒果做主題嘅傳統甜品~ 近來響呢頭附近上堂，所以上堂前多咗時間響附近揾食~ 今日路過呢間唔太起眼嘅甜品店，反正見餓餓地又未夠鐘上堂，就嗱嗱臨入去食碗野解暑兼解渴打開Menu發覺佢嘅甜品種類比想像中多好多~ 見舖頭名叫合桃緣，開頭以為剩係得啲中式糖水~ 點知原來都有唔少西式甜品雖然過咗端午節，但佢地都有粽賣，睇黎呢度都幾多元化其實本身想食應該係最招牌嘅合桃露，不過一見到呢個童年回憶嘅芒果椰汁河粉，加上天時暑熱，經過一輪掙扎之後，終於都係揀咗後者好彩佢果然冇令我失望, 河粉好嫩滑，成碗嘅椰汁味好重，芒果香甜，食完覺得好滿足! 如果呢度再就腳啲嘅話就可以成日食了希望下次可以試吓合桃露