影片
更多
2014-12-21
1269 瀏覽
星期日同媽咪飲茶，落車見呢間酒樓重開(之前關門一輪，唔知裝修定關閉)，上去攞位紙，裝修比之前光鮮，但都係比較娘！金光閃閃，在門口等位時，冷氣勁到吹到頭髮貼晒，頭痛! 所有人都有帽戴帽！好誇張，我們唔介意搭枱就快啲有位!坐大廳中間細圓枱！樓底幾高，人多都唔覺太嘈，坐低即刻有店員沖茶！人唔多都唔好點太多！每人揀一樣都差不多！韮黃鮮蝦腸(特)(25.8)--好滑，蝦肉好爽，甜豉油剛好！潮州粉果子(小)(15.8)--粉果皮煙韌！餡料足，粉葛尤其爽口！大愛！豉汁蒸鳳爪(中)(20.8)--豉汁味道唔錯，但鳳爪唔夠透！爭啲！香煎蝦米腸(中)(20.8)--煎得香脆，外脆內軟，但無跟甜辣醬！要再問店員攞！畔塘馬蹄糕(中)(20.8)--煎得表面金黃，馬蹄爽口，榚身唔硬！唔錯！咸蛋燒腩雞飯(碟)(41.8)--呢個好普通，腩肉硬，雞肉無味，薑茸又唔夠多蔥！咸蛋黃又實又硬！茶位數8一個食物唔錯！店員上茶都好爽手！比錢時有意外，大廳有個收銀櫃台，打好單先知蔥呢個櫃台可以碌卡，好在收銀即刻去搵部長帶我去門口大收銀度碌卡，我再表示門口冷氣太勁，佢都話會跟進！態度積極！
韮黃鮮蝦腸(特)(25.8)--好滑，蝦肉好爽，甜豉油剛好！
潮州粉果子(小)(15.8)--粉果皮煙韌！餡料足，粉葛尤其爽口！大愛！
豉汁蒸鳳爪(中)(20.8)--豉汁味道唔錯，但鳳爪唔夠透！爭啲！
香煎蝦米腸(中)(20.8)--煎得香脆，外脆內軟，但無跟甜辣醬！要再問店員攞！
畔塘馬蹄糕(中)(20.8)--煎得表面金黃，馬蹄爽口，榚身唔硬！唔錯！
咸蛋燒腩雞飯(碟)(41.8)--呢個好普通，腩肉硬，雞肉無味，薑茸又唔夠多蔥！咸蛋黃又實又硬！
茶位數8一個
食物唔錯！店員上茶都好爽手！比錢時有意外，大廳有個收銀櫃台，打好單先知蔥呢個櫃台可以碌卡，好在收銀即刻去搵部長帶我去門口大收銀度碌卡，我再表示門口冷氣太勁，佢都話會跟進！態度積極！
張貼
