影片
更多
2021-08-29
149 瀏覽
今日去開銅鑼灣搵食，見到有間印尼餐廳有條小人龍，其實本身想試印尼菜好耐，覺得佢地D野食鮮艷吸引，只係未有機會食，於是就決定等一等試呢間！等左15分鐘終於入得啦！入到去全場滿座咁濟，餐廳好有印尼熱帶風情，木造既裝橫配試竹藤既燈光。未入座前已經被佢餐牌既食物吸引，其一係佢D 野食真係地道印尼菜，好似班蘭飯，烤魚等，其二係有見到少見既花膠雞湯粉皮，我係超鐘意呢個配搭，養生又鮮味。於是我地叫左總統古法燒飯，印尼花膠湯班蘭雞粉皮，牛油果沙冰，班蘭沙冰同烤秋葵。聽店員講古法燒飯要等10-15分鐘。先黎係花膠班蘭雞湯粉皮，望到濃濃既花膠湯底，睇得出充滿骨膠原，而家花膠係超級大塊同份量好多，估唔到呢個價錢可以食到呢個份量既花膠，而且一樣滑而鮮甜，冇腥味，未開始食雞已經食左半碗。雖然唔太知點鮮叫班蘭雞（食落係冇班蘭味既），但雞都係鮮甜嫩滑，反而係點左佢自家製薑蓉好味倍增，少少辣但更加調出鮮味。之後就試埋牛油果沙冰同班蘭沙冰，餐廳既野飲份量都係大大杯，牛油果沙冰再加上印尼地道既黑糖蜜，初頭以為好甜，但飲落反而令牛油果既甜味更有層次，非常解渴清涼。班蘭沙冰我就好中意，因為班蘭味真係好濃，而我男朋友就有點怕怕
等左15分鐘終於入得啦！入到去全場滿座咁濟，餐廳好有印尼熱帶風情，木造既裝橫配試竹藤既燈光。未入座前已經被佢餐牌既食物吸引，其一係佢D 野食真係地道印尼菜，好似班蘭飯，烤魚等，其二係有見到少見既花膠雞湯粉皮，我係超鐘意呢個配搭，養生又鮮味。於是我地叫左總統古法燒飯，印尼花膠湯班蘭雞粉皮，牛油果沙冰，班蘭沙冰同烤秋葵。聽店員講古法燒飯要等10-15分鐘。
先黎係花膠班蘭雞湯粉皮，望到濃濃既花膠湯底，睇得出充滿骨膠原，而家花膠係超級大塊同份量好多，估唔到呢個價錢可以食到呢個份量既花膠，而且一樣滑而鮮甜，冇腥味，未開始食雞已經食左半碗。雖然唔太知點鮮叫班蘭雞（食落係冇班蘭味既），但雞都係鮮甜嫩滑，反而係點左佢自家製薑蓉好味倍增，少少辣但更加調出鮮味。
之後就試埋牛油果沙冰同班蘭沙冰，餐廳既野飲份量都係大大杯，牛油果沙冰再加上印尼地道既黑糖蜜，初頭以為好甜，但飲落反而令牛油果既甜味更有層次，非常解渴清涼。班蘭沙冰我就好中意，因為班蘭味真係好濃，而我男朋友就有點怕怕。
炸秋葵上場，就算喺日本餐廳通常都係見燒秋葵，好少見炸秋葵，所以中意秋葵既我就專登試下，一食落去，炸漿做到好香脆可口，睇落去炸得唔均勻，事實上炸漿份量岩岩好，如果唔係就搶走秋葵既爽脆，炸漿係有少少咸香似係用蛋黃炸，所以更加香口，秋葵黏黏既質感配上蘇脆既外層，好好既配搭。
等左10-15 分鐘，終於到傳說中既總統炒飯，我男朋友揀佢，貪佢咩都有 ，又有雞，又有飯，同試到印尼炸物。 份量真係升lv 地好大份，我諗佢要等既原因係因為個包飯原來好似粽咁，包左佢再去烤焗，程序十分有心機。炸物有黃豆餅，炸雞，炸豆腐，再配上辣小魚乾。個粽更加有驚喜，原來入面係包左海鮮好似魷魚仔，小魚乾，青椒紅椒香葉等，睇落就好好食。一入口，原來係超級辣好似食麻辣火鍋咁，好辣但好惹味好食 我都試左個黃豆餅，感覺好特別，係真係有好濃既豆味，唔係麵粉。
Overall, 呢間餐廳D野食又特別又高質 ，店員都好有禮貌，有機會會再去多次。
張貼
