NUTTEA (旺角中心第一座) (已結業)

平時好鍾意飲奶茶既我，今日星期六同女朋友去旺角拍拖行街，去旺角中心行下，見到呢間奶茶店比較特別，係主打果仁食材飲品！今日天氣咁熱，梗係叫翻杯凍野飲啦！間店為左營造天然果仁食材，設計都係開放式為主，亦都會展示一堆果仁係出面。環境衛生唔錯，啲食材乾淨企理，唔會污糟。睇一睇個manu先，主要分堅果奶茶，堅果奶，堅果汁，水果茶等等。我同女朋友分別揀咗焙香堅果奶蓋烏龍茶，粉紅莓好堅果奶蓋茶，微糖，少冰再加燕麥。有別於其他奶茶蓋，係經過心思設計，飲起奶茶上黎非常方便，仲要配埋匙羹，好貼心！粉紅莓好堅果奶蓋茶方面，芝士奶蓋配果仁非常香濃香脆幼滑，口感似慕絲，非常之正，下面就係紅莓沙冰，果肉粒粒，非常落足料！焙香堅果奶蓋烏龍茶方面，烏龍茶加上燕麥，出奇地match，茶香配上脆香燕麥非常之口感好好。茶味一樣咁足料咁香濃。