沙田新強記燒鵝海鮮酒家

營業中

休息中

主打懷舊粵菜及懷舊點心，環境明亮舒適，啱晒家庭或朋友聚會。我次次去都係為咗搵番舊式香港人情味。必點招牌強記雞粥，材料豐富，粥底夠清甜，雞肉滑溜，米粒黏綿綿，簡單但有心機。燒鵝脾飯，鵝脾份量足，肉質結實帶肉香，啲飯吸晒鵝汁，食落滿足。加$68 就可以有金牌燒乳鴿一隻，外皮金黃，但今次鴿肉就乾咗少少。懷舊點心方面，古法燒腩卷外脆內嫩，油香但唔膩。糯米包大大個，餡料飽滿，軟糯鹹香；椰香黃金糕香滑唔太甜，好有懷舊感覺。菜式用心傳統，好值得推薦。