阿肥火鍋 (已結業)

而家 d 新世代食咩都要追趕韓風，但 70、80 後呢？梗係去間呢個年代為主題的火鍋店，重温當年的情懷。一入到火鍋店，就聽到陳慧嫺的夜機，感覺即刻番哂來，仲要一邊細細聲跟住唱~ 嘻嘻~而成個環境打造到大排檔風情，感覺很温暖。夜機播完了，職員便奉上一碟小食。我們一邊食，一邊在點湯底和配菜。原盅燉五指毛桃牛大力龍骨湯呢個 "湯底" 真係非常特色，既係以原隻雞燉製的湯水，又可以係火鍋湯底。我們先喝半煲滋潤湯水之後，職員為我們把剩下半煲倒入火鍋煲，就可以開始十下十下啦~鮮滑嫩牛肉牛肉係他至愛，係咁意十下便可以放入口，十分軟滑。手打鮮蝦丸、手打鯪魚丸每款各點了半份，咬落非常彈牙，跟他有點搶食的意味。日式蟹棒蟹棒非常粗身，十完唔會好易散開，食到佢索咗不少湯，熱辣辣好入味。手工炸魚皮佢知我喜歡食脆口的食物，便點了這個。質地較厚身，食落有點咸咸地。