鄉川酸辣粉 (已結業)

小妹有個同事好鐘意食依間酸辣粉，周不時都聽到佢話去食，好奇之下今次就拜託果位同事外賣一碗返來俾我試試外賣紙上既選擇都幾多。最後我叫左小辣既招牌重慶酸辣粉加木耳，雞翼同大腸。外賣分湯都算幾好，外賣而加既$1總算無白附。除左頭先叫既食物外，會附上炸醬同類似乾扁豆之類既菜粒。菜粒幾好食，爽爽地幾好嚼。不過d餸就令我有d失望，雞翼似係滷水汁內浸左唔知幾多日，浸到都黑晒梅晒豬腸亦比較瘦。木耳就正常啦，依然保持到爽脆。至於酸辣湯方面，酸度同辣度都ok既，但對比起某大型連鎖果間酸辣粉，雖然無對方果種霸道同過癮既感覺。但反而食得出不同之處係鄉川肯定唔係N樣化學調味料調教出來！所以為健康著想，我下次食酸辣粉都會考慮來返鄉川食。