旺記冰室 (已結業)

今早我們去咗旺角新世紀廣場嘅「旺記冰室」買早晨外賣自取食！我們叫咗早晨套餐：沙嗲牛肉餐肉煎蛋通粉、豬扒火腿煎蛋公仔麵同牛扒火腿煎蛋公仔麵！沙嗲牛肉餐肉煎蛋通粉嘅湯底非常油膩，沙嗲牛肉嘅味道相當鹹，肉質亦唔算嫩滑，通粉比較腍身，唔係好彈牙！豬扒火腿煎蛋公仔麵同牛扒火腿煎蛋公仔麵嘅麵質唔係好爽口彈牙，豬扒同牛扒嘅肉質唔係好鬆軟同比較「嚡」，但肉味都算濃郁，而湯底亦都係好油膩！跟餐嘅牛油方包嘅包質都幾鬆軟！