倆口小吃 (已結業)

先後兩次食過佢4款包，4款都好好食，難怪佢咁多人排隊。但十隻手指有長短，其中蝦包同菇包會係我再叫既選擇。平時唔鐘意食中式既包，覺得淋同濕。但佢個包皮係改良左，比較甜就係落糖，同埋煙un就聽聞係落左澄麵，即係平時用黎做粉果皮既。先講下蝦包， 佢個塊蝦餅，震驚了我，極彈牙，個汁好特別，食到有d酸，蒜，同香料味，好特別。另外個菇包係日式炸天婦羅，唔係一個大菇，就咁睇普通唔吸引，但食落有海苔粉芝麻醬同芝麻，好match。配左個餐，有罐可樂⋯⋯好飲既，另外仲有包炸蕃薯條，配埋酸酸地既話梅粉鹽咁，好野味。佢既食品其喺就係好基本既食材，但加左一d心思改良，出黎再好味左。