影片
更多
2017-07-15
388 瀏覽
扒大蝦凱撒沙律，賣相好好，將啲沙律砌到成個波咁樣好得意，隻蝦夠哂大隻不在話下，仲夠哂爽口彈牙，喺新鮮嘅沙律菜襯託之下得到完美嘅發揮。祖傳雜錦番茄水牛芝士沙律，由於身邊嘅朋友正在積極扮減肥，所以我哋嗌多一款沙律嚟交下戲，個名叫得做什錦蕃茄，果然有好多種唔同種類嘅番茄喺個沙律入面，其中特別鍾意橙橙黃黃嗰一隻蕃茄，個味道好特別，係界乎喺鮮甜嘅生果同埋蕃茄中間，撈埋啲 pesto醬，松子，火箭菜同埋水牛芝士一齊食就最正喇。法式鮮味海龍皇湯，呢個湯上枱嘅時候，啲湯料會用個火爐興住，而啲湯就會放喺另外一個茶壺狀嘅器皿入面，上枱之後等相機食完啲新鮮嘅海鮮先至自己加啲湯落去，個湯嘅龍蝦味道突出，十分鮮甜，最估佢唔到嘅係啲青口竟然都十分之新鮮，唔會話因為放落個湯度而揸流灘，抵讚。低溫慢煮加拿大 Angus T 骨扒配薯菜，塊 T骨扒好夠份量，絕對大過我塊面，近骨位肉味濃啲是常識吧，難得嘅係廚師將塊扒煎得夠哂香口，薯蓉未見落太多嘅忌廉同埋牛油，倍感健康，碟邊仲有個咁得意嘅狗仔做裝飾添。歌劇院蛋糕，歌劇院蛋糕朱古力味香濃，一層一層咁樣充滿層次感，朱古力味香濃得嚟又唔會太甜，作為飯後甜品實屬最好不過。今晚餐飯
扒大蝦凱撒沙律，賣相好好，將啲沙律砌到成個波咁樣好得意，隻蝦夠哂大隻不在話下，仲夠哂爽口彈牙，喺新鮮嘅沙律菜襯託之下得到完美嘅發揮。
祖傳雜錦番茄水牛芝士沙律，由於身邊嘅朋友正在積極扮減肥，所以我哋嗌多一款沙律嚟交下戲，個名叫得做什錦蕃茄，果然有好多種唔同種類嘅番茄喺個沙律入面，其中特別鍾意橙橙黃黃嗰一隻蕃茄，個味道好特別，係界乎喺鮮甜嘅生果同埋蕃茄中間，撈埋啲 pesto醬，松子，火箭菜同埋水牛芝士一齊食就最正喇。
法式鮮味海龍皇湯，呢個湯上枱嘅時候，啲湯料會用個火爐興住，而啲湯就會放喺另外一個茶壺狀嘅器皿入面，上枱之後等相機食完啲新鮮嘅海鮮先至自己加啲湯落去，個湯嘅龍蝦味道突出，十分鮮甜，最估佢唔到嘅係啲青口竟然都十分之新鮮，唔會話因為放落個湯度而揸流灘，抵讚。
低溫慢煮加拿大 Angus T 骨扒配薯菜，塊 T骨扒好夠份量，絕對大過我塊面，近骨位肉味濃啲是常識吧，難得嘅係廚師將塊扒煎得夠哂香口，薯蓉未見落太多嘅忌廉同埋牛油，倍感健康，碟邊仲有個咁得意嘅狗仔做裝飾添。
歌劇院蛋糕，歌劇院蛋糕朱古力味香濃，一層一層咁樣充滿層次感，朱古力味香濃得嚟又唔會太甜，作為飯後甜品實屬最好不過。
今晚餐飯全程都有好多人同啲狗狗牆同埋啲狗狗裝飾影相，鐘意狗狗嘅朋友有時間都可以上嚟集吓郵架。
張貼
