更多
2021-03-23
160 瀏覽
今日去咗旺角百寶利,揀咗呢間J.Moon同朋友一齊食晚餐。餐廳名嘅諧音就好似廣東話嘅醉悶,感覺幾得意。餐廳以月亮為主題,主打西餐,每張枱上面都有一盞月亮燈,配合埋昏暗燈光,好有情調。座位方面亦都有室內或者戶外可以選擇,我哋今日就揀咗室內嘅座位。▫️J.Moon Pizza($118)Pizza 係美式薄餅,餅底係薄批,但係唔算非常脆身,加上有大量嘅醬汁,醬汁應該係混合左茄汁加上BBQ醬,味道有層次。而且仲有其他好多配料,好似雞肉、煙肉、青紅椒等等, 好豐富。再加上惹人爭議嘅菠蘿,對於鍾意喺Pizza度加菠蘿嘅我當然冇問題啦。▫️Seared Lamb Chops, Potato Gratin, Rosemary Skewered CherryTomato with Balsamic Lamb Juice ($208)燒羊架有兩件,羊架屬於厚切,雖然煮至接近全熟,但因為帶有少少肥膏,所以食落口感唔會乾。主角係羊架,但配角嘅焗薯都唔可以錯過。做法有少少似千層麵,以薄片薯仔、白汁、芝士相互疊加,焗好後切成長方體。口感雖然不及傳統薯蓉幼滑,但亦都無咁漏,更得我歡心。最後仲有一串燒車厘茄,用上原條R
餐廳以月亮為主題,主打西餐,每張枱上面都有一盞月亮燈,配合埋昏暗燈光,好有情調。座位方面亦都有室內或者戶外可以選擇,我哋今日就揀咗室內嘅座位。
▫️J.Moon Pizza($118)
Pizza 係美式薄餅,餅底係薄批,但係唔算非常脆身,加上有大量嘅醬汁,醬汁應該係混合左茄汁加上BBQ醬,味道有層次。而且仲有其他好多配料,好似雞肉、煙肉、青紅椒等等, 好豐富。再加上惹人爭議嘅菠蘿,對於鍾意喺Pizza度加菠蘿嘅我當然冇問題啦。
▫️Seared Lamb Chops, Potato Gratin, Rosemary Skewered CherryTomato with Balsamic Lamb Juice ($208)
燒羊架有兩件,羊架屬於厚切,雖然煮至接近全熟,但因為帶有少少肥膏,所以食落口感唔會乾。
主角係羊架,但配角嘅焗薯都唔可以錯過。做法有少少似千層麵,以薄片薯仔、白汁、芝士相互疊加,焗好後切成長方體。口感雖然不及傳統薯蓉幼滑,但亦都無咁漏,更得我歡心。
最後仲有一串燒車厘茄,用上原條Rosemary 做串籤,烤焗後去除左車厘茄嘅草青味,取而代之嘅係濃濃嘅香草味道。
▫️Banana Tree Smoothies($58)
香蕉沙冰就係濃濃嘅香蕉味道,飲完有透心涼嘅感覺,踏入夏天,飲嚟降溫就最好不過。
▫️Mango Kiwi Smoothies($58)
芒果奇異果沙冰出嚟嘅顏色青綠色,但係飲落都清楚飲到芒果同埋奇異果兩款生果嘅味道,酸酸甜甜。
張貼