影片
更多
2012-10-02
49 瀏覽
呢日黎到銅鑼灣行街 , 一直諗唔到食乜野好 , 最方便快捷o既莫過於打開 openrice app , 用附近餐廳搜尋一下 , 就係咁 , 靠住最近o既上左黎呢個平時只係去 outback 而忽略左其他食店o既商場 ~我地以最有興趣同最少人等位黎用指標 , 選擇左呢間泰國餐廳環境唔錯 , 半開房式 , 等左唔係好耐就有位 , 叫飛阿姐幾有禮貌我地o係等位o既時候己經睇過叫乜野食o家喇 , 所以一坐低就叫得1. 泰式柚子沙律~柚子為粉紅肉 , 比白肉o既較為酸一 d , 但柚味濃郁 , 配上酸甜沙律汁好清新好開胃 , 柚子肉大大件唔會碎晒夾唔到 , 籽粒呈長型 , 果汁唔算多配以炸香o既椰絲同少少花生碎 , 爽口清新 , 係一個好洽當o係頭盆2. 生蝦剌身~ 一碟六隻 ,唔算大隻但勝在肉質通透而家夠厚身 , 入口爽脆肥美 ,配上酸酸辣辣o既秘製醬汁 , 更能夠誘出蝦肉o既鮮甜味 , 唔錯 =)3. 冬陰公湯金邊粉~ 因為肚餓 , 所以叫左個湯粉取代平時食泰菜必叫o既冬陰公湯 , 因為加左湯粉 , 自然會令到冬陰公變得淡味, 配料以菇菌為主好索湯 , 酸酸地但唔係幾夠香茅味 , 仲唔太辣
莫過於打開 openrice app , 用附近餐廳搜尋一下 , 就係咁 , 靠住最近o既
上左黎呢個平時只係去 outback 而忽略左其他食店o既商場 ~
我地以最有興趣同最少人等位黎用指標 , 選擇左呢間泰國餐廳
環境唔錯 , 半開房式 , 等左唔係好耐就有位 , 叫飛阿姐幾有禮貌
我地o係等位o既時候己經睇過叫乜野食o家喇 , 所以一坐低就叫得
1. 泰式柚子沙律~柚子為粉紅肉 , 比白肉o既較為酸一 d , 但柚味濃郁 , 配上酸甜沙律汁
好清新好開胃 , 柚子肉大大件唔會碎晒夾唔到 , 籽粒呈長型 , 果汁唔算多
配以炸香o既椰絲同少少花生碎 , 爽口清新 , 係一個好洽當o係頭盆
2. 生蝦剌身
~ 一碟六隻 ,唔算大隻但勝在肉質通透而家夠厚身 , 入口爽脆肥美 ,
配上酸酸辣辣o既秘製醬汁 , 更能夠誘出蝦肉o既鮮甜味 , 唔錯 =)
3. 冬陰公湯金邊粉
~ 因為肚餓 , 所以叫左個湯粉取代平時食泰菜必叫o既冬陰公湯 ,
因為加左湯粉 , 自然會令到冬陰公變得淡味, 配料以菇菌為主
好索湯 , 酸酸地但唔係幾夠香茅味 , 仲唔太辣 ~ 金邊粉爽滑 , 總算唔錯
4. 酸辣明爐魚
~ 用上大大條烏頭魚 , 上面鋪滿大蔥 , 本身個湯有好多磨菇 , 南薑片,
仲有清新甘酸o既青檸片 , 酸梅 , 蒜子等 , 足夠o既調味 , 自然越滾越香濃
初初開始食 , 會品嘗到魚o既鮮甜味 , 滾到味道過濃時 , 有一碗清湯可以自己再淋上去
食到一半發現魚下面有 d 椰菜 , 索晒 d 酸湯 , 好好味 ~ 佢個湯酸得黎好鮮甜
魚肉越食越入味 , 酸酸辣辣 , 越食越過癮 , 特別鍾意青檸片散發出黎o既清新
不過滾到咁上下要夾返出黎 , 如果唔係個青檸皮會煲出苦澀味 ~
## 呢一餐都幾抵食 , 食到好飽 ~ 再一次多謝 openrice app , 真係好好用 !!
下次o係銅鑼灣再想會泰菜 , 都會再考慮呢一間 , encore 個明爐魚 ^^
張貼
