椒點 (已結業)

最近經過，都見到唔少人入去食，而且都多人買外賣，門口經常有人等位或等外賣。店內裝飾簡潔，將食物嘅重點完全標示出嚟！餐牌只有四頁，全部都圍繞着酸同辣，當然都有啲係唔辣嘅item喇！金湯酸菜肥牛配薯粉～薯粉同湯分開上，方便控制粉麵同湯嘅比例，除咗湯底本身有嘅餸菜之外，仲可以多選兩項自己心儀嘅配料，我選擇左雲耳同菜，湯底調味非常之啱我胃口，酸酸辣辣非常開胃！蕃茄肥牛配薯粉～蕃茄湯底的確有蕃茄熬製，蕃茄味香濃而且帶有微辣，選擇左非常吸湯嘅豆卜以及萵苣，萵苣切到很薄，近乎透明嘅狀態，而且爽口非常！麻辣蓮藕～蓮藕切成薄片，當中會有獨特嘅紋路，非常沾汁，麻麻辣辣，非常惹味。咸檸七、咸檸樂～食酸辣嘅嘢，當然要飲汽水！配埋鹹味感覺很下火。