廚十三老壇酸菜魚 (太子集團中心) (已結業)

人對辣或甜都會有一種渴求，兩樣野食完之後，可以平衡心理，帶俾你滿足感，好開心，可以有一種減壓嘅作用，本人唔係太鍾意食甜野，但係對於落辣有一種情意結， 所以遇到有啲咩唔開心嘅時候，壓力太大嘅時候，同另一半嘈交嘅時候，就會好想食辣野，天氣熱冇乜食慾，心情納悶，酸菜魚係一種好好嘅治療品，坐低見到有自選米線，雖然都有酸菜魚，魚份量太少，我就叫一個酸菜魚配米線餐 比較直接，魚肉份量先夠我胃口，魚片無骨大片口感一流，夾起無斷開唔會over cook，仲蓮藕，豆腐同金菇好開心，因為通常米線配芽菜，呢度嘅配搭特別正