渝人碼頭 (已結業)

今日同朋友係渝人碼頭打邊爐平時好少食辣嘅我聽講依到嘅酸菜魚湯底好出色，所以專登黎試一試一入到餐廳，鋪頭裝修好靚，擺放調味料嘅款式好多店員介紹完餐牌，推介餐廳係全無味精，湯底可以直接飲，我地決定嗌鴛鴦湯底，松茸湯同埋酸菜魚個鍋終於黎到，我地首先試下啖湯先，松茸湯茹味濃郁，好清甜，每人飲左一碗心後，餐廳自動幫我地加返足料嘅湯，唔似得一般餐廳咁加清湯，另外酸菜魚湯底，魚質好滑，酸菜足料，鐘意食辣嘅一定鐘意全部打邊爐嘅餸菜都好新鮮，白鱔片肉質彈牙，手工丸子併盤全部每款都好新鮮有口感，特別推介至尊牛肉併盤，每一種牛都食落口都有濃厚嘅肉香，配合埋湯底嘅味道，再加埋牛肉本身嘅鮮味，食落去令人有滿足嘅感覺最後，我地嗌左個甜品，紅糖糍粑，紅糖雖然少左啲，但糍粑本身外脆內軟，口感幾好，都係一個唔錯嘅選擇總括而言，渝人碼頭由湯底去到食材，全部都用料高質，松茸湯底清甜，酸菜魚湯底夠辣，魚質滑，魚肉唔會散，配菜全部都係新鮮，係一間食物質素非常高嘅餐廳