十三少 (已結業)

之前介紹過新蒲崗食酸菜魚，今日就去樂富人食下依家新開嘅商場間舖頭，行幾分鐘就到，喺樂富商場入面，都幾方便。其實都幾多人，好彩我嗰陣1:00就到咗餐廳，就嚟食到2:00嘅時候出面已經有好多人等位。午市套餐都好抵食，叫咗一個酸菜魚同埋一碟口水雞，午市套餐仲會有每人一碗飯同埋一杯嘢飲。我同朋友都叫咗菊花蜜，其他嘢飲選擇都唔錯。酸菜魚首先講吓魚嘅質地，佢唔會係散晒，都冇腥味，至於酸菜魚個湯亦都好濃，我最鍾意嘅就係佢入面有大量酸菜，所以唔會好悶，淨係食魚。麻辣口水雞個汁超香麻辣味，用來配飯就最好食。而且雞嘅份量都好多，我同朋友最後都食唔晒，朋友就話佢個麻辣汁同出面好唔同，因為出面比較油膩，但依間就做到好似汁咁樣，所以用啲汁嚟送飯係超正。最後因為餐廳出面實在太多人，食完就即刻走咗啦。