我是酸奶君 (已結業)

當你係香港飲茶飲果汁飲到悶悶地，真係睇到都未必想試，今次係沙田火車站就見到*我是酸奶君*，諗諗吓又未試過，飲奶茶果汁就叫得多，酸奶就真係令人特別衝動想試一試，所以即刻叫左一杯熱賣首選吃米酸奶同埋莓果粒粒，雖然佢位於人流旺嘅火車站，但係舖位置都唔多人行來行去，可以慢慢品嚐兩杯飲品。一啖一啖咁試吃米酸奶，果然係熱賣，酸奶味香濃又唔會太甜，加埋米粒口感特別又有趙口，的確值得推介！而莓果粒粒入面又足料又有勁多果粒，酸酸甜甜入口有濃烈既草莓味，又不會搶左酸奶既味道配搭得不錯。飲品份量都十分適中，又唔會過大又唔會太小，非常合適飯後甜品或者經過買杯慢慢嘆野飲。