Cocolo Tokyo Cake Factory (朗豪坊) (已結業)

近排疫情都冇再去餐廳堂食，見到呢間店都開左唔少分店，個人都鍾意蘋果批，呢到可以外賣拎走就岩哂我。佢呢間店主打係蘋果批，當然係要試蘋果批，另外佢都仲有多款蛋糕，見到賣相吸引所以試埋。青森蘋果批佢個蘋果批個size都唔細，外形都好飽滿好靚，買2個入盒都好方便拎走，d酥皮都唔會壓到佢碎左，我大約買完都隔左20分鐘先食，都係好酥脆，d酥皮都好多層，完全冇話un左既位，成個都係酥脆，佢有一層吉士同蘋果醬，都好足料。2個醬都唔會好甜，岩岩好，蘋果粒都夠，好香蘋果味。比我之前食一間好出名既日本蘋果批店佢個酥皮係酥脆好多。梳乎里芝士蛋糕佢真係好輕身，淡淡芝士味，佢食落口感好輕盈，入口即溶，食完都唔會覺得膩，因為佢真係好輕盈。焙茶蛋糕呢個店員話係新品，所以試下，蛋糕cream香焙茶味，海綿蛋糕鬆軟，夠濕潤唔會好乾，佢主要焙茶既味係cream到出，佢既海綿蛋糕底就唔覺多茶味，如果唔食濃茶味又想食茶味蛋糕佢就岩哂。佢店舖都有堂食位置，地方乾淨，簡約風，而拎就都好好，佢包裝容易拎，唔會街幾步就搖到蛋糕變形，佢都包埋餐具，方便買完想係公園食既人，佢d包裝都好方便買完係公園食，帶翻屋企就緊加冇問題。