影片
更多
2009-06-30
13 瀏覽
老婆睇完openrice，話想去試下呢度嘅酥皮叉燒包，好，一於來試下。晚上六點鐘左右來到，雖然外面已有五、六個人好似在等位，可能因為我地只有兩個人嘅關係，阿姐竟然話可以即刻入去坐，真好彩！呢度地方頗為淺窄，加上d茶唔夠熱，桌上又一d調味品都冇（真係連牙簽都冇架），點心又碟碟都好鬼細碟，都係呢度唔係咁好，需要改善嘅地方。不過講到點心質素方面，雖然d蝦餃、棉花雞、豬膶腸粉等，都只係不過不失之作，水準唔係太突出，不過呢度嘅鎮店招牌點心----酥皮叉燒包----就真係好正啦。呢個包嘅酥皮同叉燒餡所產生嘅化學作用真係非常好，實在令人有食完成碟都未夠喉嘅感覺！正！另一水準之作則係佢嘅「豆沙煎軟餅」。呢個餅煙煙韌韌嘅餅皮同d甜甜嘅豆沙餡真係好夾，熱辣辣咁食真係幾好味架！希望呢間舖第時可以將唔夠好嘅地方改善肯來就好啦！
晚上六點鐘左右來到，雖然外面已有五、六個人好似在等位，可能因為我地只有兩個人嘅關係，阿姐竟然話可以即刻入去坐，真好彩！
呢度地方頗為淺窄，加上d茶唔夠熱，桌上又一d調味品都冇（真係連牙簽都冇架），點心又碟碟都好鬼細碟，都係呢度唔係咁好，需要改善嘅地方。
不過講到點心質素方面，雖然d蝦餃、棉花雞、豬膶腸粉等，都只係不過不失之作，水準唔係太突出，不過呢度嘅鎮店招牌點心----酥皮叉燒包----就真係好正啦。呢個包嘅酥皮同叉燒餡所產生嘅化學作用真係非常好，實在令人有食完成碟都未夠喉嘅感覺！正！
另一水準之作則係佢嘅「豆沙煎軟餅」。呢個餅煙煙韌韌嘅餅皮同d甜甜嘅豆沙餡真係好夾，熱辣辣咁食真係幾好味架！
希望呢間舖第時可以將唔夠好嘅地方改善肯來就好啦！
張貼
