霜月居酒屋

營業中

休息中

佐敦新開居酒屋，見佢新開張優惠有$98生啤任飲兩小時，我同朋友都係酒鬼梗係入去試一試啦！同朋友叫咗刺身，壽司拼盤，大蝦，同串燒送酒！刺身非常厚！蝦勁大隻！兩個鐘頭，我哋每人都飲咗六七杯，除返開每杯10幾蚊，真係抵到爛！（佢唔係出面放題既罐裝同枝裝，而係新鮮嘅生啤）侍應做嘢都好快手，每次叫生啤都好快就送到，唔會好似出面有啲會不斷拖你時間！最重要係價錢親民，最後一直飲飲到12點關舖，真係飲飽食醉，10分滿足！下次一定會再返來！不過佢而家係新開張優惠，唔知會promote到幾時，希望優惠唔好咁快取消！